ხალგაზრდა კაცი ოთხ პოლიციელს ბათუმის პოლიციის მეორე განყოფილებაში,  ფიზიკურ ანგარიშსწორებაში ადანაშაულებს. რამინ კოკობინაძის ინფორმაციით, სამართალდამცავები ფიზიკურად მას შემდეგ გაუსწორდნენ, რაც ახლობლებთან დარეკვა მოითხოვა. 
"ტელეფონს ვთხოვდი, არ მომცეს, შეურაცხყოფა მომაყენეს, მეც შეურაცხყოფა მივაყენე. პოლიციის განყოფილებაში შუქს ჩააქრობდნენ რომ არ გამოვჩენილიყავი, მერე მცემდნენ" - ამბობ ის.
კოკობინაძე პოლიციამ ერთ-ერთ კლუბში დააკავა. არსებული ინფორმაციით, დაპირისპირება ახალგაზრდებს შორის მოხდა, თუმცა კოკობინაძე მასში მონაწილეობას არ იღებდა. თვითმხილველების განმარტების მიუხედავად ის პოლიციამ მაინც დააკავა და განყოფილებაში გადაიყვანა. 
პოლიცია მას წინააღმდეგობის გაწევაში ადანაშაულებს. სავარაუდო  ადმინისტრაციულ დარღვევაზე ახლა სასამართლო მსჯელობს.