მედიის ინფორმაციით, ერდოღანი ზელენსკის პუტინთან შეხვედრას შესთავაზებს
ზელენსკი-ერდოღანის შეხვედრის დაწყებამდე რუსულ და თურქულ მედიაში ვრცელდება ვერსიები რას შესთავაზებს თურქეთის პრეზიდენტი უკრაინელ კოლეგას. მედიის ინფორმაციით, ერდოღანი გეგმავს, ზელენსკის შესთავაზოს პუტინთან შეხვედრა თურქეთის დედაქალაქ ანკარაში, ასევე სტამბოლის მოლაპარაკებების პროცესის განახლება და უკრაინაში დროებითი ცეცხლის შეწყვეტა. მედიის ინფორმაციითვე, თურქეთის ლიდერი მზადაა სამხედრო ტყვეების გაცვლაშიც მიიღოს მონაწილეობა.
შეგახსენებთ, ვოლოდიმირ ზელენსკი დღეს ლვოვში, გაერო-ს გენერალურ მდივან ანტონიო გუტერეშს და თურქეთის პრეზიდენტ რეჯეფ თაიფ ერდოღანს შეხვდება.
Reuters-ის ცნობით, შეხვედრის დღის წესრიგის მთავარი საკითხებია მარცვლეულის ექსპორტი და ზაპოროჟიეს ატომურ ელექტროსადგურთან დაკავშირებული სიტუაცია. შეხვედრის შემდეგ ლიდერები ერთობლივ პრესკონფერენციას გამართავენ.
შეგახსენებთ, ვოლოდიმირ ზელენსკი დღეს ლვოვში, გაერო-ს გენერალურ მდივან ანტონიო გუტერეშს და თურქეთის პრეზიდენტ რეჯეფ თაიფ ერდოღანს შეხვდება.
Reuters-ის ცნობით, შეხვედრის დღის წესრიგის მთავარი საკითხებია მარცვლეულის ექსპორტი და ზაპოროჟიეს ატომურ ელექტროსადგურთან დაკავშირებული სიტუაცია. შეხვედრის შემდეგ ლიდერები ერთობლივ პრესკონფერენციას გამართავენ.