ლატვიის პრეზიდენტი გამოვიდა წინადადებით, ქვეყანაში ცხოვრების უფლება გაუუქმდეთ უკრაინაში შეჭრის მომხრე რუსებს
ლატვიის პრეზიდენტი ეგილ ლევიტსი გამოვიდა მოწოდებით, გადახედილ იქნეს და გაუქმდეს ცხოვრების უფლება და ვიზები იმათთვის, ვინც მხარს უჭერს უკრაინაში რუსეთის შეჭრას. მისი თქმით, წინა მთავრობები „გაუმართლებლად ხელგაშლილები იყვნენ“ რუსეთის მოქალაქეთათვის ლატვიაში ცხოვრების უფლების მინიჭების თვალსაზრისით. პრეზიდენტმა განაცხადა, რომ მოვიდა ამ პოლიტიკის რევიზიის დრო. მისი სიტყვები მოჰყავს გამოცემა Delfi-ს.
ლატვიაში 2010 წლიდან მოქმედებდა პროგრამა, რომლითაც რესპუბლიკაში ცხოვრების უფლების მოპოვება შესაძლებელი იყო უძრავი ქონების მოპოვების ან სხვა ინვესტიციების სანაცვლოდ. ქვეყანამ უცხოელებს საერთო ჯამში დროებით ცხოვრების 46 ათასზე მეტი უფლება გასცა. აქედან 10 ათასზე მეტი რუსეთის მოქალაქეა. მათმა ნახევარმა ცხოვრების უფლება მოიპოვა ქვეყანაში უძრავი ქონების შეძენის მეშვეობით. თუკი გავითვალისწინებთ მუდმივი ცხოვრების უფლების მქონეებსაც, გაზაფხულის მონაცემებით, ლატვიაში რუსეთის 50 ათასზე მეტი მოქალაქე ცხოვრობდა და 120 ათასამდე - მოქალაქეობის არმქონე სტატუსით.
14 აგვისტოს პოლონეთის საგარეო საქმეთა მინისტრის მოადგილემ, პიოტრ ვავჟიკმა განაცხადა, რომ ქვეყანა განიხილავს რუსეთის მოქალაქეებისთვის ვიზების გაუქმების შესაძლებლობას. მისი სიტყვებით, მთელს ევროკავშირში სავიზო რეჟიმის გართულების წინააღმდეგ გამოდიან გერმანია, საფრანგეთი და ნიდერლანდი. ამ ცვლილებას მხარს უჭერენ ლიეტუვა, ლატვია, ესტონეთი, ჩეხეთი და სლოვაკეთი. ამ თემას, სავარაუდოდ, განიხილავენ ევროკავშირის საგარეო საქმეთა მინისტრების შეხვედრაზე, რომელიც აგვისტოს ბოლოს გაიმართება პრაღაში.
14 აგვისტოს პოლონეთის საგარეო საქმეთა მინისტრის მოადგილემ, პიოტრ ვავჟიკმა განაცხადა, რომ ქვეყანა განიხილავს რუსეთის მოქალაქეებისთვის ვიზების გაუქმების შესაძლებლობას. მისი სიტყვებით, მთელს ევროკავშირში სავიზო რეჟიმის გართულების წინააღმდეგ გამოდიან გერმანია, საფრანგეთი და ნიდერლანდი. ამ ცვლილებას მხარს უჭერენ ლიეტუვა, ლატვია, ესტონეთი, ჩეხეთი და სლოვაკეთი. ამ თემას, სავარაუდოდ, განიხილავენ ევროკავშირის საგარეო საქმეთა მინისტრების შეხვედრაზე, რომელიც აგვისტოს ბოლოს გაიმართება პრაღაში.