უკრაინის წინააღმდეგ ომში ჩართული რუსული ქვედანაყოფების მეხუთედი განადგურებულია, – ამის შესახებ უკრიანის შეიარაღებული ძალების სარდალმა, ვალერი ზალუჟნიმ აშშ-ის შტაბების მეთაურთა გაერთიანებული კომიტეტის ხელმძღვანელ მარკ მილისთან სატელეფონო საუბრის დროს განაცხადა.
ინფორმაცია სატელეფონო საუბრის შესახებ უკრაინის შეიარაღებული ძალების სარდალ ზალუჟნის ტელეგრამარხით გავრცელდა.
ინფორმაციაში ნათქვამია, რომ ზალუჟნიმ ასევე მიაწოდა ინფორმაცია მილის, რომ ამჟამად აქტიური საბრძოლო მოქმედებები უკრაინაში ფრონტის 1 300 კილომეტრზე მიმდინარეობს და უკრაინას ესაჭიროება საარტილერიო ცეცხლის გაძლიერება.