ბაიდენმა ხელი მოაწერა ფინეთისა და შვედეთის ნატოში გაწევრიანების დოკუმენტებს
აშშ-ის პრეზიდენტმა ჯო ბაიდენმა 9 აგვისტოს ხელი მოაწერა დოკუმენტებს, რომლებითაც ვაშინგტონი რატიფიკაციას უკეთებს ნატოში ფინეთისა და შვედეთის შესვლას.
თავის გამოსვლაში ამერიკის პრეზიდენტმა აღნიშნა, რომ ფინეთი და შვედეთი გახდებიან „ძლიერი, სანდო და ერთობ უნარიანი ახალი მოკავშირეები“, რომლებიც იკისრებენ ტრანსატლანტიკური ალიანსის ფარგლებში ურთიერთდაცვის „წმინდა მოვალეობას“.
ბაიდენის სიტყვებით, უკრაინაში შეჭრით რუსეთმა ვლადიმირ პუტინის ხელმძღვანელობით „დაანგრია მშვიდობა და უსაფრთხოება ევროპაში“. „პუტინს ეგონა, რომ შეძლებდა ჩვენს გათიშვას... ამის ნაცვლად მან მიიღო ის, რასაც ასე უფრთხოდა,“ თქვა ამერიკის პრეზიდენტმა.
4 აგვისტოს აშშ-ის სენატმა მხარი დაუჭირა ფინეთისა და შვედეთის ნატოში გაწევრიანებას და გახდა 30-დან 23-ე ქვეყანა, რომელმაც ოფიციალურად გამოხატა თანხმობა.
ფინეთისა და შვედეთის წევრობის სრული რატიფიკაციისთვის აუცილებელია, ნატოს ყველა წევრმა ქვეყანამ მოიწონოს შესაბამისი დოკუმენტები ეროვნულ დონეზე.
ბაიდენის სიტყვებით, უკრაინაში შეჭრით რუსეთმა ვლადიმირ პუტინის ხელმძღვანელობით „დაანგრია მშვიდობა და უსაფრთხოება ევროპაში“. „პუტინს ეგონა, რომ შეძლებდა ჩვენს გათიშვას... ამის ნაცვლად მან მიიღო ის, რასაც ასე უფრთხოდა,“ თქვა ამერიკის პრეზიდენტმა.
4 აგვისტოს აშშ-ის სენატმა მხარი დაუჭირა ფინეთისა და შვედეთის ნატოში გაწევრიანებას და გახდა 30-დან 23-ე ქვეყანა, რომელმაც ოფიციალურად გამოხატა თანხმობა.
ფინეთისა და შვედეთის წევრობის სრული რატიფიკაციისთვის აუცილებელია, ნატოს ყველა წევრმა ქვეყანამ მოიწონოს შესაბამისი დოკუმენტები ეროვნულ დონეზე.