გამოცემა EUvsdesinfo-ს ცნობით, კრემლის კონტროლირებადი მედია ავრცელებს შეთქმულების თეორიას, რომ „კოვიდ-19“-ის პანდემიის დროს მსოფლიოს ე.წ. საიდუმლო მმართველები (Deep State) საბოლოოდ გაანადგურებენ ადამიანების თავისუფლებას. მათ შორის „გააკონტროლებენ ადამიანებს მათ სხეულში ჩადგმული ნანო-ჩიპებით, რომლებსაც ადამიანების ორგანიზში სავალდებულო ვაქცინაციის დროს ჩაამონტაჟებენ“.
რუსული დეზინფორმაციის წინააღმდეგ მომუშავე ვებგვერდ „EuvsDesinfos” –ის ცნობით, მსგავსი შინაარსის პუბლიკაციები ვრცელდება კრემლთან დაკავშირებულ ინგლისურენოვან ვებ-გვერდებზე, რომელთაც ძირითადად აშშ-ის მოქალაქეების ეცნობიან. „EuvsDesinfos”-ის ინფორმაციით, კიდევ ერთ თეორია, რომელსაც რუსეთის ხელისუფლებასთან დაახლოებული ექსპერტები ავრცელებენ, ეხება პანდემიის დროს „ფერადი რევოლუციებისა“ და „ამბოხის“ მოწყობას.
„რუსეთის მთავრობასთან დაკავშირებული ანალიტიკური ცენტრის „ერთიანი მსოფლიოს“ წევრი, ერთ-ერთ ბოლო პუბლიკაციაში მსჯელობს, თუ როგორ შეიძლება „ფერადი რევოლუციების“ გამოყენება ე.წ. მსოფლიოს მმართველი ელიტის (Deep State)-ის წინააღმდეგ. ამ სტატიაში კრემლთან დაკავშირებული ექსპერტი ამტკიცებს, რომ „კოვიდ-19“-ის პანდემიის დროს სხვადასხვა ქვეყნის მიერ დაწესებული მკაცრი შეზღუდვების გამო, „ალტერნატიული მედიის“ მიმდევრებს შორის უკვე მიმდინარეობს მსჯელობა, მსგავს სცენარზე. მისივე თქმით, ამერიკელი პოლიციელები შეშინებულები არიან კოვიდ-19-ის გამო და ახლა ძალის გამოყენებით ცვლილებების მიღწევისთვის საუკეთესო დროა,“ – წერს “EUvsDesinfo.”
როგორც EUvsDesinfo-ს ანალიტიკოსები ასკვნიან, „რუსეთთან დაკავშირებული მედიასაშუალებებისა და ექსპერტების ყველა ამ დეზინფორმაციისა და შეთქმულების თეორიის მთავარი ელემენტი არის ის, რომ დასავლური, დემოკრატიული, პლურალისტული საზოგადოება წარმოადგენს ბოროტებას და მკაცრი ზომები, რომლებიც ხალხის დაავადებისგან დასაცავად არის მიღებული, სინამდვილეში, თითქოსდა წარმოადგენს მსოფლიოს მმართველი ელიტის შეთქმულებას“.