04/08/22862 ნახვა წყარო: 1tv.geფოტო: 1tv.ge

ზელენსკი - „ამნესთი ინთერნეიშენალი“ შეეცადა ტერორისტი სახელმწიფოს ამნისტირებას და პასუხისმგებლობის აგრესორის ნაცვლად, მსხვერპლზე დაკისრებას

უკრაინის პრეზიდენტმა, ვოლოდიმირ ზელენსკიმ საერთაშორისო უფლებადამცველი ორგანიზაცია „ამნესთი ინთერნეიშენალის“ ანგარიში გააკრიტიკა. ამის შესახებ განცხადება ვოლოდიმირ ზელენსკიმ მორიგ ვიდეომიმართვაში გააკეთა.
მისი თქმით, ორგანიზაცია ცდილობს, ტერორისტი სახელმწიფოს ამნისტირებას და პასუხისმგებლობის აგრესორის ნაცვლად, მსხვერპლზე დაკისრებას.
„სამწუხაროდ, დღეს ორგანიზაცია „ამნესთი ინთერნეიშენალი“ შეეცადა ტერორისტი სახელმწიფოს ამნისტირებას და პასუხისმგებლობის აგრესორის ნაცვლად, მსხვერპლზე დაკისრებას. ყველა, ვინც ცდილობს რუსეთის ამნესტირებას და ქმნის ასეთ საინფორმაციო კონტექსტს, რომ ტერორისტების ზოგიერთი დარტყმები თითქოსდა გამართლებულია ან თითქოსდა გასაგებია, არ შეიძლება, არ ხვდებოდეს, რომ ტერორისტებს ეხმარება“, – განაცხადა ზელენსკიმ.
მისივე თქმით, არ შეიძლება, ჰიპოთეტურადაც კი არსებობდეს პირობა, რომ რუსეთის რომელიმე თავდასხმა უკრაინაზე გამართლებული იყოს.
„აგრესია ჩვენს წინააღმდეგ არის არაპროვოცირებული და უბრალოდ ტერორისტული და თუ ვინმე ამზადებს ანგარიშს, რომელშიც აგრესორი და მსხვერპლი რაღაც ფორმით გათანაბრებულია; თუ ზოგიერთი მონაცემი მსხვერპლის შესახებ არის გაანალიზებული, როდესაც ის, რაც აგრესორმა გააკეთა, იგნორირებულია, მაშინ ეს ანგარიში მიუღებელია“, – აღნიშნა ზელენსკიმ.
უკრაინის პრეზიდენტის კრიტიკა უკავშირდება საერთაშორისო უფლებადამცველი ორგანიზაციის ანგარიშს, რომელშიც ნათქვამია, რომ უკრაინელი სამხედროები ტექნიკას სამოქალაქო ობიექტებში განალაგებდნენ, მათ შორის სკოლებსა და საავადმყოფოებში, რითიც საფრთხეს უქმნიდნენ მოქალაქეებს.
უკრაინის ხელისუფლების წარმომადგენლებმა „ამნესთი ინთერნეიშენალის“ ანგარიში გააკრიტიკეს და მასში გამოთქმული ბრალდებები უარყვეს.
თავად ორგანიზაციაში კი განაცხადეს, რომ უკრაინის მთავრობის კრიტიკა ანგარიშში მოყვანილ ფაქტებს არ ცვლის. ამის შესახებ აგნეს კალამარი „ტვიტერის“ გვერდზე წერს. მისივე ინფორმაციით, ახლა „რუსი და უკრაინელი ტროლების ბანდები თავს ესხმიან „ამნესთი ინთერნეიშენალის“ გამოძიებას, თუმცა ეს ორგანიზაციის მიუკერძოებლობას არ შეარბილებს“.
share on FacebookShare on Twitter უკან დაბრუნება წინა სტატია შემდეგი სტატია გასაჩივრება
HM Cabinets

ბიზნეს დირექტორია

ამერიკაში არსებული ბიზნესების და პროფესიონალების ჩამონათვალი

  • 100

TONE CAFÉ

(718) 332-8082
Brooklyn, NY
  • 100

GBM Truck Service

(973) 527-3620
Stanhope, New Jersey
  • 0

Sendex

(929) 442 1252
Brooklyn, NY
  • 0

OLGA GORELIK

(718) 596-8888
Brooklyn, NY
  • 0

საქართველოს საელჩო ამერიკის შეერთებულ შტატებში

(202) 387-0864
Washington, D.C.