მსოფლიოში არავინ არ დებს იმაზე მეტ ინვესტიციას ტერორიზმში, ვიდრე რუსეთი - ზელენსკი
უკრაინის პრეზიდენტი, ვოლოდიმირ ზელენსკი ამბობს, რომ მსოფლიოში არავინ დებს ტერორიზმში იმდენ ინვესტიციას, რამდენსაც რუსეთი. ამ თემაზე მან ტრადიციულ ვიდეო მიმართვაში ისაუბრა.
ზელენსკიმ აღნიშნა, რომ ყველაფერს გააკეთებენ, რათა მსოფლიოში არ დარჩეს გულგრილობა საშინელი ომის მიმართ, რომელიც რუსეთმა დაიწყო უკრაინისა და თავისუფლების იდეის წინააღმდეგ.
"შეგიძლიათ ნებისმიერი დღე გაატაროთ უკრაინაში - დღეს ან ნებისმიერ სხვა დღეს 24 თებერვლის შემდეგ, რათა დაინახოთ, რომ მსოფლიოში არავინ არ დებს იმაზე მეტ ინვესტიციას ტერორიზმში, ვიდრე რუსეთი. ამას ნამდვილად სჭირდება სამართლებრივი რეაგირება გლობალურ დონეზე. და არ არსებობს რაციონალური მიზეზი, რომ ასეთი რეაქცია არ არსებობდეს, განსაკუთრებით, ამერიკის შეერთებულ შტატებში", - ამბობს ზელენსკი.მან მადლობა გადაუხადა ამერიკელ სენატორებს, ერთხმად რეზოლუციის დამტკიცებისთვის, რომელიც მოუწოდებს აშშ-ის სახელმწიფო დეპარტამენტს, აღიაროს რუსეთი ტერორიზმის სპონსორ სახელმწიფოდ.
ზელენსკიმ აღნიშნა, რომ ყველაფერს გააკეთებენ, რათა მსოფლიოში არ დარჩეს გულგრილობა საშინელი ომის მიმართ, რომელიც რუსეთმა დაიწყო უკრაინისა და თავისუფლების იდეის წინააღმდეგ.