ამერიკის შეერთებული შტატები სერიოზულად განიხილავს რუსეთის ტერორიზმის სპონსორ სახელმწიფოდ გამოცხადების საკითხს უკრაინაში სრულმასშტაბიანი შეჭრის შედეგად მის ქმედებებთან დაკავშირებით. ამის შესახებ "რადიო თავისუფლებასთან" უკრაინაში აშშ-ის ელჩმა, ბრიჯიტ ბრინკმა ისაუბრა.
ელჩმა ხაზგასმით აღნიშნა, რომ აშშ-მ დააწესა უპრეცედენტო მოცულობის სანქციები და ისინი მომავალშიც გააგრძელებენ ამ პოლიტიკას. 

"რაც შეეხება რუსეთის ტერორიზმის სპონსორად გამოცხადებას, ჩვენ განვიხილავთ ამ საკითხს, ეს მოითხოვს ფრთხილ ანალიზს ამერიკული კანონმდებლობის შესაბამისად... ჩვენ გავაგრძელებთ რუსეთის პასუხისმგებლობას ჩვენი კანონების შესაბამისად", - განაცხადა ბრიჯიტ ბრინკმა.

მანამდე აშშ-ს წარმომადგენელთა პალატის სპიკერმა, ნენსი პელოსიმ მიმართა სახელმწიფო მდივანს, რომ რუსეთი ტერორიზმის სახელმწიფო სპონსორად გამოაცხადოს.