მსოფლიოში არსებულ სასურსათო კრიზისში დამნაშავე მხოლოდ რუსეთია - მიშელი ოდესაზე თავდასხმას ეხმაურება
ოდესის კომერციულ პორტზე რუსეთის მიერ განხორციელებულმა სარაკეტო თავდასხმამ მსოფლიოს მრავალი ქვეყანა შიმშილის რეალური საფრთხის წინაშე დააყენა. და ეს იყო კიდევ ერთი მტკიცებულება იმისა, რომ მხოლოდ რუსეთის ფედერაციაა პასუხისმგებელი მსოფლიოში არსებულ სასურსათო კრიზისზე და სურსათის საფრთხეზე - ამის შესახებ ევროპული საბჭოს პრეზიდენტმა, შარლ მიშელმა პირველი ლედებისა და ჯენტლმენების სამიტზე დისტანციურად ჩართვის დროს ისაუბრა.
„კრემლის ომი უკრაინის წინააღმდეგ უკიდურესად დიდ გავლენას ახდენს სასურსათო უსაფრთხოებაზე. რამდენიმე წუთის წინ უკრაინის პრემიერ-მინისტრს ვესაუბრე. რამდენიმე საათის წინ რუსული რაკეტები ოდესისკენ იყო მიმართული, რომლებიც მიზნად ისახავდნენ მილიონობით ტონა მარცვლეულს განადგურებას, რომელიც რუსული ბლოკადის გამო პორტებშია. ეს უზარმაზარ საფრთხეს უქმნის მილიონობით ადამიანის სიცოცხლეს მთელს მსოფლიოში...მკაფიოდ უნდა გვესმოდეს, რომ რუსეთი არის დამნაშავე ამ კრიზისში. მხოლოდ მას ეკისრება ბრალი მსოფლიოში არსებულ სასურსათო საშიშროებაში. ამიტომ, რუსეთის წინააღმდეგ სანქციები ძალაში დარჩება“, - თქვა მან.