უკრაინის საგარეო საქმეთა სამინისტრო ოდესის პორტზე რუსეთის სარაკეტო თავდასხმას ეხმაურება და ამბობს, რომ ეს პუტინის მიერ გარეოს გენერალური მდივნისა და თურქეთის პრეზიდენტის სახეზე შეფურთხებაა. საგარეოს პრესსპიკერის, ოლეგ ნიკოლენკოს თქმით, თავდასხმა კითხვის ნიშნის ქვეშ აყენებს უკრაინული მარცვლეულის ექსპორტის შესახებ შეთანხმებას, რომელიც გუშინ გაფორმდა.

"რუსეთის ფედერაციას 24 საათზე ნაკლები დასჭირდა, რათა ეჭვქვეშ დაეყენებინა გაერო-სა და თურქეთისთვის მის მიერ მიცემული შეთანხმებები და დაპირებებში, გუშინ სტამბოლში ხელმოწერილ დოკუმენტში, ოდესის პორტის ტერიტორიაზე სარაკეტო თავდასხმით.
რუსული რაკეტა - ეს არის ვლადიმერ პუტინის შეფურთხება გაეროს გენერალური მდივნის ანტონიო გუტერეშისა და თურქეთის პრეზიდენტის რეჯეპ თაიფ ერდოღანის სახეზე, რომლებმაც დიდი ძალისხმევა ჩადო შეთანხმების მისაღწევად და რისთვისაც უკრაინა მადლიერია", - აცხადებს სპიკერი. 

საგარეო საქმეთა სამინისტრო მოუწოდებს გაერო-ს და თურქეთს, უზრუნველყონ რუსეთის მიერ ნაკისრი ვალდებულებების შესრულება მარცვლეულის დერეფნის უსაფრთხო ფუნქციონირების ფარგლებში.