თბილისის სასტუმრო "იბისში" განთავსებული საკარანტინე სივრცე დღეს 92-მა მოქალაქემ დატოვა. სასტუმროს დატოვებამდე თითოეულმა სამედიცინო შემოწმება გაიარა. მათი წასვლის შემდეგ კი საკარანტინო ზონის ტერიტორიაზე, ჯანდაცვის სამინისტროს რეკომენდაციების შესაბამისად, სრულფასოვანი სადეზინფექციო სამუშაოები ჩატარდა, ტრანსპორტირება კი საკუთარ სახლებში ადგილობრივმა ხელისუფლებამ უზრუნველყო.
კორონავირუსის გავრცელების საპრევენციო ღონისძიებების ფარგლებში, მთავრობის საკოორდინაციო საბჭოს გადაწყვეტილებითა და მთავრობის დადგენილებით, ეკონომიკის სამინისტროს ტურიზმის ეროვნული ადმინისტრაციიის ორგანიზებით, საქართველოს მასშტაბით საკარანტინო სივრცე ამ დროისთვის 83 სასტუმროში მოქმედებს. ამჟამად, აღნიშნულ სივრცეებში განთავსებულია 4 958 მოქალაქე.
საკარანტინო სივრცეებში არსებული განთავსების პირობები, საერთაშორისო ჯანდაცვის ორგანიზაციისა და ეროვნული კანონმდებლობით გათვალისწინებულ ნორმებთან საკარანტინო სივრცეების მოწყობის შესახებ სრულ შესაბამისობაშია.
"ჩვენმა მთავრობამ ჩამომიყვანა ბულგარეთიდან თავიანთი ხარჯებით, შემდეგ დაგვაბინავეს სასტუმროში, რომელიც არის კეთილმოწყობილი. გვეთქმის დიდი მადლობა," – აცხადებს კარანტინში მყოფი პირი.