ომის დაწყებიდან დაიღუპა ან დაშავდა 50 000 რუსი სამხედრო - ბრიტანეთის შეიარაღებული ძალების მეთაური
რუსეთმა უკრაინაში სრულმასშტაბიანი შეჭრიდან 5 თვის განმავლობაში სახმელეთო საბრძოლო პოტენციალის 30%-ზე მეტი დაკარგა - ამის შესახებ ბრიტანეთის შეიარაღებული ძალების მეთაურმა, ადმირალმა ტონი რადაკინმა განაცხადა.
მისი თქმით, ამის გამო უკრაინულ არმიას სჯერა, რომ ომში გაიმარჯვებენ.
მისი თქმით, ამის გამო უკრაინულ არმიას სჯერა, რომ ომში გაიმარჯვებენ.
"ისინი აპირებენ უკრაინის მთელი ტერიტორიის დაბრუნებას და ხედავენ, რომ რუსეთს პრობლემები აქვს. რუსეთმა, ჩვენი შეფასებით, სახმელეთო საბრძოლო შესაძლებლობების 30%-ზე მეტი დაკარგა", - თქვა ადმირალმა.მანვე აღნიშნა, რომ დაღუპული ან დაშავებულია 50 000 რუსი ჯარისკაცი, განადგურებულია თითქმის 1 700 ტანკი და 4 000 ჯავშანტექნიკა.
"რუსეთმა ეს შეჭრა დაიწყო მთელი უკრაინის აღების ამბიციით, სურდა დაეპყრო დიდი ქალაქები პირველ 30 დღეში, მოეხდინა ზეწოლა ნატო-ზე. რუსეთი გამოწვევაა მსოფლიო წესრიგისთვის. ის ყველა ამ ამბიციაში მარცხდება და ახლა უფრო ნაკლებად ძლიერი ქვეყანაა, ვიდრე თებერვლის დასაწყისში იყო", - თქვა ტონი რადაკინმა.