საუდის არაბეთმა პარასკევს თავისი საჰაერო სივრცე ყველა სამოქალაქო გადამზიდავისთვის გახსნა, მათ შორის ისრაელიდან და ისრაელის მიმართულებით, რაც ორ ქვეყანას შორის ურთიერთობების ნორმალიზებისკენ გადადგმულ ნაბიჯად აღიქმება. 
ამ დღეებში რეგიონში ვიზიტით აშშ-ის პრეზიდენტი ჯო ბაიდენი იმყოფება, რომელმაც ისრაელიდან საუდის არაბეთში პირდაპირი რეისით გაფრენამდე რამდენიმე საათით ადრე განცხადება გაავრცელა. 
თეთრი სახლის ლიდერი მიესალმა საუდის არაბეთის სამეფოს გადაწყვეტილებას და თქვა, რომ ეს შეიძლება რეგიონში ისრაელის შემდგომ ინტეგრაციას დაეხმაროს. ითვლება, რომ საუდის არაბეთს ფარული ურთიერთობები აქვს ისრაელთან, მაგრამ ოფიციალურად ჯერ ეს დიპლომატიური კავშირები ჯერ არ გამჟღავნებულა.