უკრაინის თავდაცვის სპიკერის თქმით, რუსეთის თავდასხმების დაახლოებით 70% არასამხედრო ობიექტებზე ხდება - ამის შესახებ ინფორმაციას CNN ავრცელებს. 
გამოცემის ცნობით, რუსული სარაკეტო დარტყმების 70% მშვიდობიან ქალაქებსა და არასამხედრო ობიექტებზეა. ალეკსანდრ მოტუზიანიკმა პარასკევს განაცხადა, რომ რუსული სარაკეტო დარტყმების მხოლოდ 30% არის სამხედრო ობიექტებზე.
მან თქვა, რომ ერთადერთი გზა ამ სარაკეტო ტერორის შესაჩერებლად არის იმ რაკეტების განადგურება, რომლებსაც რუსეთი უკრაინის თავზე უშვებს.
მისი თქმით, საზენიტო სისტემებმა "კარგად იმუშავეს", როდესაც ხუთშაბათს თავს დაესხნენ ვინიცას.

„ხუთიდან ორი რაკეტა ჩამოაგდეს. ჩვენ რომ გვქონდა უფრო ძლიერი თანამედროვე საზენიტო იარაღი, ჩვენ შეგვეძლო ამ რუსული რაკეტების განადგურება. დღეს ჩვენ გვჭირდება თანამედროვე საჰაერო თავდაცვა“, - განაცხადა მოტუზიანიკმა.

მან აღნიშნა, რომ HIMARS კარგად მუშაობს ფრონტის ხაზზე და უკვე გაანადგურეს რუსეთის 30-ზე მეტი სამხედრო-ლოჯისტიკური ობიექტი.