ჩრდილოატლანტიკური ალიანსის ბაზების განთავსება არ დაიცავს ფინეთსა და შვედეთს, - ამის შესახებ სახელმწიფო დუმის სპიკერმა ვიაჩესლავ ვოლოდინმა განაცხადა.
მანამდე ფინეთის ქალაქ ლაპენრანტას მერი, კიმო იარვუ ქალაქში ნატოს ბაზის განთავსების ინიციატივით გამოვიდა.
ვოლოდინის თქმით, მერის მოსაზრება, რომ ეს შექმნის უსაფრთხოების განცდას, მცდარია, რადგან კონფლიქტის შემთხვევაში, დარტყმები, უპირველეს ყოვლისა, მიმართულია მტრის სამხედრო ინფრასტრუქტურაზე.
„ნატოს ბაზების განლაგება არ დაიცავს არც ფინეთს და არც შვედეთს. პირიქით, ეს საფრთხეს შეუქმნის ქალაქების მცხოვრებლებს, სადაც განთავსდება სამხედრო ინფრასტრუქტურა“, - აცხადებს რუსეთის დუმის სპიკერი.