"არსებობს რისკები, რომ მთელი ლუგანსკის რეგიონი იქნება ოკუპირებული" - განცხადება ამის შესახებ უკრაინის პრეზიდენტმა, ვოლოდიმირ ზელენსკიმ, ავსტრალიის პრემიერ ენტონი ალბენიზასთან ერთობლივ პრესკონფერენციაზე საუბრისას განაცხადა.
ავსტრალიის პრემიერი კიევში დღეს ჩავიდა და ომში მყოფ ქვეყანას მხარდაჭერა გამოუცხადა.
ლისიჩანსკთან დაკავშირებით ზელენსკი ამბობს, რომ  შეუძლებელია იმის მტკიცება, რომ ქალაქი მთლიანად კონტროლის ქვეშაა.

"ბრძოლები მიმდინარეობს ლისიჩანსკის გარეუბანში. ჩვენი ამოცანაა გვქონდეს საცეცხლე უპირატესობა. დღეს, მე მჯერა, რომ ჩვენი შეიარაღებული ძალები ყველაფერს აკეთებენ, რაც შეუძლიათ. იარაღის მიწოდების დაჩქარება მოგვცემს შესაძლებლობას, გვქონდეს უპირატესობა და შემდეგ უფრო ძლიერად ვიმოქმედებთ ამ მიმართულებით. 
მართლაც ურთულესი სიტუაციაა და იქ არანაირი უპირატესობა არ გვაქვს. ეს არის ჩვენი სუსტი წერტილი. მაგრამ სხვა მიმართულებით გვაქვს წინგადადგმული ნაბიჯები", - განმარტა პრეზიდენტმა.

რუსეთი ამტკიცებს, რომ ლუგანსკის ოლქი მთლიანად დაიკავა და ამის შესახებ თავდაცვის მინისტრმა შოიგუმ პუტინს უკვე შეატყობინა. უკრაინის თავდაცვის სამინისტროს წარმომადგენლის ინფორმაციით კი  ქალაქი ლისიჩანსკი არ არის რუსული ჯარების სრული კონტროლის ქვეშ და დონბასისთვის ბრძოლა ჯერ არ დასრულებულა