აქცია საკანონმდებლო ორგანოს წინ 20:00 საათზე არის ჩანიშნული.  სამოქალაქო საზოგადოება მთავრობის მეთაურის ირაკლი ღარიბაშვილის გადადგომას და ეროვნული თანხმობის მთავრობის შექმნას ითხოვს. ვადა, რომელიც ხელისუფლებას მისცეს, დღეს სამ ივლისს იწურება. 
ამასთან, აქციის მონაწილეების ერთი ნაწილი აცხადებს, რომ ღამის გათევას პარლამენტის წინ გეგმავს. 
„მოძრაობა „შინ ევროპისკენ“ მკაფიოდ აცხადებს, რომ ერთგულია მხოლოდ და მხოლოდ შეკრების მშვიდობიანი ფორმების და მოუწოდებს სამართალდამცველებს, უზრუნველყონ მშვიდობიანი შეკრების თავისუფლება და ადგილზევე აღკვეთონ პროვოკაციები“, - აცხადებენ ორგანიზატორები.