დონეცკის რეგიონალური სამხედრო ადმინისტრაციის ხელმძღვანელმა პავლო კირილენკომ განაცხადა, რომ დონეცკის ოლქის 45%, რომელიც უკრაინის კონტროლს ექვემდებარება, აგრესორი ქვეყნის მიერ ინტენსიურად იბომბება. 
კირილენკოს თქმით, ქალაქი სლავიანსკი 5 დღე უწყვეტად იბომბება. 
„დონეცკის ოლქი, ლუგანსკი ყველაზე ცხელი წერტილებია. ლუგანსკის რეგიონში მთავარი ქალაქია ლისიჩანსკი, რომლის აღებასაც მტერი ამ დრომდე ცდილობს. დარწმუნებული ვართ, რომ შევძლებთ მტრის გაჩერებას და მომავალში გავათავისუფლებთ ტერიტორიებს, რომლებიც რუსეთის მიერ არის ოკუპირებული“, - აცხადებს კირილენკო.