NATO-ს სამხედრო ინფრასტრუქტურის განლაგების შემთხვევაში მოგვიწევს სარკისებურად რეაგირება - პუტინი შვედეთსა და ფინეთზე
რუსეთის პრეზიდენტი, ვლადიმერ პუტინი ამბობს, რომ მათ არ აქვთ ისეთი პრობლემები შვედეთთან და ფინეთთან, როგორიც უკრაინასთან. მისივე განცხადებით, ამ ქვეყნებში ნატო-ს სამხედრო ინფრასტრუქტურის განთავსების შემთხვევაში, მოსკოვი იძულებული გახდება, სარკისებურად იმოქმედოს.
კითხვაზე, შეიცვალა თუ არა "სპეცოპერაციის მიზნები", ანუ უკრაინაში ომის მიზნები, პუტინმა უპასუხა, რომ არაფერი შეცვლილა - "მე ვუთხარი 24-ის დილას, პირდაპირ საჯაროდ მთელ ქვეყანას, მთელ მსოფლიოს. არაფერი მაქვს დასამატებელი, არაფერი შეცვლილა".
რუსეთის პრეზიდენტმა კიდევ ერთხელ გაიმეორა რიტორიკა, რომ დასავლეთი და ნატო უკრაინას და უკრაინელ ხალხს იყენებს საკუთარი მიზნების გასამტკიცებლად.
"რაც შეეხება შვედეთსა და ფინეთს, ჩვენ არ გვაქვს ისეთი პრობლემები შვედეთთან და ფინეთთან, რაც, სამწუხაროდ, გვაქვს უკრაინასთან... ჩვენ არაფერი გვაქვს სანერვიულო ფინეთის ან შვედეთის ნატოში გაწევრიანების თვალსაზრისით. ნათლად უნდა გვესმოდეს - მანამდე არანაირი საფრთხე არ ყოფილა, სამხედრო კონტიგენტისა და ინფრასტრუქტურის განლაგების შემთხვევაში ჩვენ მოგვიწევს სარკისებურად რეაგირება და იგივე საფრთხეების შექმნა იმ ტერიტორიებისთვის, საიდანაც ისინი გვემუქრებიან", - თქვა პუტინმა.პუტინმა თქვა, რომ რუსეთისთვის ფინეთისა და შვედეთის ნატო-ში გაწევრიანება სულაც არაა იგივე, რაც ალიანსში უკრაინის გაწევრიანება და რომ ეს "სულ სხვა რამაა".
კითხვაზე, შეიცვალა თუ არა "სპეცოპერაციის მიზნები", ანუ უკრაინაში ომის მიზნები, პუტინმა უპასუხა, რომ არაფერი შეცვლილა - "მე ვუთხარი 24-ის დილას, პირდაპირ საჯაროდ მთელ ქვეყანას, მთელ მსოფლიოს. არაფერი მაქვს დასამატებელი, არაფერი შეცვლილა".
რუსეთის პრეზიდენტმა კიდევ ერთხელ გაიმეორა რიტორიკა, რომ დასავლეთი და ნატო უკრაინას და უკრაინელ ხალხს იყენებს საკუთარი მიზნების გასამტკიცებლად.