„უკრაინელმა დამცველებმა თითქმის მთლიანად გაანადგურეს რუსეთის შეიარაღებული ძალების „ელიტა“, რომელიც ნატოსთან დაპირისპირებისთვის იყო მომზადებული“, - ამის შესახებ უკრაინის დაზვერვა რუსი სამხედროსა და მისი მეუღლის სატელეფონო საუბარზე დაყრდნობით იუწყება. 
საუბარში რუსი სამხედრო აღნიშნავს, რომ გადარჩნენ მხოლოდ ისინი, ვინც უკრაინაზე თავდასხმაზე უარი თქვა.
„დასავლეთის ოლქის სამხედროები აქ აღარ არიან, ისინი დაიხოცნენ, ბევრი ოფიცერი დაიღუპა, ქვეითი ძალები სიკვდილისთვის არიან განწირულები“, - ეუბნება რუსი სამხედრო მეუღლეს.  
როგორც უკრაინის დაზვერვა აღნიშნავს, რუსეთის დასავლეთ სამხედრო ოლქში, შედის მოსკოვი, სანკტ-პეტერბურგი და „სამხედრო ელიტა“, რომელიც ნატოს ძალებთან დასაპირისპირებლად იყო გაწვრთნილი.