სი ძინპინმა ვლადიმერ პუტინს განუცხადა, რომ ყველა მხარემ უნდა იმუშაოს უკრაინაში „კრიზისის“ „პასუხისმგებლობით“ მოსაგვარებლად
ჩინეთის პრეზიდენტმა სი ძინპინმა რუსეთის პრეზიდენტ ვლადიმერ პუტინს სატელეფონო საუბრისას განუცხადა, რომ ყველა მხარემ უნდა იმუშაოს უკრაინაში "კრიზისის" "პასუხისმგებლობით" მოსაგვარებლად. სატელეფონო საუბარში სი ძინპინმა დაადასტურა ჩინეთის მზადყოფნა, დაეხმაროს რუსეთს სიტუაციის მოგვარებაში. ამავდროულად, ჩინეთის ლიდერმა აღნიშნა, რომ მიმდინარე წლის დასაწყისიდან, მიუხედავად „გლობალური რყევებისა და ცვლილებებისა“, ჩინეთ-რუსეთის ურთიერთობებმა შეინარჩუნა განვითარების კარგი იმპულსი და ქვეყნებს შორის ეკონომიკური და სავაჭრო თანამშრომლობა სტაბილურად ვითარდება. მანამდე ჩინეთმა უარი თქვა რუსეთის ქმედებების დაგმობაზე და მოუწოდა მოლაპარაკებების გზით კონფლიქტის მოგვარებისკენ. ასევე, რუსეთის პრეზიდენტმა სი ძინპინს განუცხადა, რომ რუსეთის ფედერაცია ეწინააღმდეგება ნებისმიერ ძალას, რომელიც ერევა ჩინეთის საშინაო საქმეებში და გაიხსენა ტაივანსა და ჰონკონგში არსებული კონფლიქტები. გარდა ამისა, სატელეფონო საუბრის დროს პუტინი და სი ძინპინი ენერგეტიკულ თანამშრომლობაზე შეთანხმდნენ.
„დეტალურად განიხილეს სავაჭრო-ეკონომიკური თანამშრომლობის მდგომარეობა და პერსპექტივები, რომლის მოცულობა სავარაუდოდ 2022 წლის ბოლომდე მიაღწევს რეკორდულ დონეს. შეთანხმდნენ, რომ გაფართოვდეს თანამშრომლობა ენერგეტიკის, ფინანსურ, სამრეწველო, ტრანსპორტისა და სხვა სფეროებში. გლობალურ ეკონომიკაში არსებული ვითარების გათვალისწინებით, საუბარი, ასევე, შეეხო სამხედრო და ტექნიკური კავშირების შემდგომი განვითარების საკითხებს“, - წერს კრემლის პრესსამსახური.
„დეტალურად განიხილეს სავაჭრო-ეკონომიკური თანამშრომლობის მდგომარეობა და პერსპექტივები, რომლის მოცულობა სავარაუდოდ 2022 წლის ბოლომდე მიაღწევს რეკორდულ დონეს. შეთანხმდნენ, რომ გაფართოვდეს თანამშრომლობა ენერგეტიკის, ფინანსურ, სამრეწველო, ტრანსპორტისა და სხვა სფეროებში. გლობალურ ეკონომიკაში არსებული ვითარების გათვალისწინებით, საუბარი, ასევე, შეეხო სამხედრო და ტექნიკური კავშირების შემდგომი განვითარების საკითხებს“, - წერს კრემლის პრესსამსახური.