ომის დაწყების შემდეგ საქართველოში რუსეთის 93 865 მოქალაქე შემოვიდა, ზრდა 346%-ია
უკრაინაში ომის დაწყების შემდეგ რუსეთიდან საქართველოს საზღვრის კვეთის მაჩვენებელი მნიშვნელოვნად გაიზარდა. კერძოდ, 2022 წლის მარტსა და აპრილში საქართველოში რუსეთის 93 865 მოქალაქე შემოვიდა, რაც 2021 წლის ანალოგიური პერიოდის მაჩვენებელს 346%-ით აღემატება. უცნობია, რამდენი მათგანი დარჩა საქართველოში. აღსანიშნავია, რომ საქართველოს მთავრობის 2015 წლის ივნისის დადგენილებით, რუსეთი მოხვდა იმ ქვეყნების ჩამონათვალში, რომელთა მოქალაქეებსაც საქართველოში უვიზოდ ყოფნა 1 წლის ვადით შეუძლიათ.
შინაგან საქმეთა სამინისტროს საზღვრის კვეთის მონაცემებით, მხოლოდ აპრილში საქართველოში რუსეთის 48 797 მოქალაქე შემოვიდა, რაც გასული წლის შესაბამისი პერიოდის მონაცემებს 289%-ით აღემატება. ამ მაჩვენებლით, საზღვრის კვეთის აპრილის სტატისტიკაში რუსეთი პირველ პოზიციაზეა.
გასულ 2 თვეში საქართველოში უკრაინის 38 918 მოქალაქე შემოვიდა. 2021 წლის ანალოგიურ პერიოდთან შედარებით, ზრდა 203%-ია. მხოლოდ აპრილში საქართველოს საზღვარი 21 995-მა უკრაინის მოქალაქემ გადმოკვეთა, რაც წლიურ ჭრილში 186%-იანი ზრდაა.
რაც შეეხება ბელარუსის მოქალაქეებს, მიმდინარე წლის მარტში მათი რაოდენობა წლიურად 1 577%-ით გაიზარდა. მარტში საქართველოს სახელმწიფო საზღვარი სულ 20 029 ბელარუსმა გადმოკვეთა. აპრილში კი მაჩვენებელმა შედარებით იკლო და საზღვრის კვეთის სტატისტიკაში ბელარუსმა მე-7 პოზიცია დაიკავა.
შინაგან საქმეთა სამინისტროს საზღვრის კვეთის მონაცემებით, მხოლოდ აპრილში საქართველოში რუსეთის 48 797 მოქალაქე შემოვიდა, რაც გასული წლის შესაბამისი პერიოდის მონაცემებს 289%-ით აღემატება. ამ მაჩვენებლით, საზღვრის კვეთის აპრილის სტატისტიკაში რუსეთი პირველ პოზიციაზეა.
გასულ 2 თვეში საქართველოში უკრაინის 38 918 მოქალაქე შემოვიდა. 2021 წლის ანალოგიურ პერიოდთან შედარებით, ზრდა 203%-ია. მხოლოდ აპრილში საქართველოს საზღვარი 21 995-მა უკრაინის მოქალაქემ გადმოკვეთა, რაც წლიურ ჭრილში 186%-იანი ზრდაა.
რაც შეეხება ბელარუსის მოქალაქეებს, მიმდინარე წლის მარტში მათი რაოდენობა წლიურად 1 577%-ით გაიზარდა. მარტში საქართველოს სახელმწიფო საზღვარი სულ 20 029 ბელარუსმა გადმოკვეთა. აპრილში კი მაჩვენებელმა შედარებით იკლო და საზღვრის კვეთის სტატისტიკაში ბელარუსმა მე-7 პოზიცია დაიკავა.