უკრაინელებმა დონბასში რუსი ოკუპანტების 9 შეტევა მოიგერიეს
უკრაინელმა ჯარისკაცებმა, ბოლო 24 საათის განმავლობაში დონბასში რუსი ოკუპანტების 9 თავდასხმა მოიგერიეს.
უკრაინის შეიარაღებული ძალების გენშტაბის ცნობით, დონეცკისა და ლუგანსკის მიმართულებით განადგურდა მტრის 5 ტანკი, 4 საარტილერიო სისტემა, 10 ერთეული ჯავშანტექნიკა და 2 ავტომანქანა.
უკრაინის შეიარაღებული ძალების გენშტაბის ცნობით, დონეცკისა და ლუგანსკის მიმართულებით განადგურდა მტრის 5 ტანკი, 4 საარტილერიო სისტემა, 10 ერთეული ჯავშანტექნიკა და 2 ავტომანქანა.
"გარდა ამისა, საჰაერო თავდაცვის ქვედანაყოფებმა ჩამოაგდეს 1 უპილოტო საფრენი აპარატი "Орлан-10", ხოლო საჰაერო ძალების საზენიტო-სარაკეტო დანაყოფებმა 2 საკრუიზო რაკეტა. საავიაციო დარტყმის შედეგად განადგურდა მტრის 12 ერთეული სამხედრო ტექნიკა", - აცხადებენ გენშტაბში.უკრაინული მედიის ინფორმაციით, რუსული ჯარები აგრძელებენ შეტევას აღმოსავლეთის მიმართულებით. ფოკუსირებული არიან ლუგანსკის რეგიონის აღებაზე და ხარკოვის ჩრდილოეთით ძალების გაყვანაზე. ხერსონისა და ნიკოლაევის ტერიტორიების საზღვარზე ოკუპანტებმა უკრაინული პოზიციების დაზვერვის უპილოტო საფრენი აპარატი დაკარგეს. უკრაინელებმა ასევე გაანადგურეს მაღალი სიმძლავრის თვითმავალი ქვემეხი "პიონი", რომლითაც რუსმა აგრესორებმა სევეროდონეცკზე იერიში მიიტანეს და პავლოგრადის ხიდი გაანადგურეს.