ხარკოვის რეგიონალური სახელმწიფო ადმინისტრაციის თავმჯდომარის, ოლეგ სინეგუბოვის ინფორმაციით, უკრაინის შეიარაღებული ძალები ხარკოვის ოლქის იზიუმის მიმართულებით, კონტრშეტევაზე გადავიდნენ.

"ყველაზე ცხელ წერტილად რჩება იზიუმის მიმართულება. იქ ჩვენი შეიარაღებული ძალები კონტრშეტევაზე გადავიდნენ. მტერი ზოგიერთ რაიონში უკან იხევს - და ეს არის ჩვენი შეიარაღებული ძალების დამსახურება" - თქვა მან.

შეგახსენებთ,  უკრაინის შეიარაღებული ძალების გენერალურმა შტაბმა დღეს გაავრცელა ინფორმაცია, რომ ოკუპანტებს ხარკოვიდან ჯარები გაჰყავთ.