რუსეთის მიერ უკრაინაში შეჭრის შემდეგ რუსეთის თავდაცვის მინისტრმა სერგეი შოიგუმ და მისმა ამერიკელმა კოლეგამ ლოიდ ოსტინმა პირველად ისაუბრეს. ამის შესახებ BBC იტყობინება. 
პენტაგონის მიერ გავრცელებულ განცხადებაში ნათქვამია, რომ ოსტინმა რუსეთს დაუყოვნებლივ ცეცხლის შეწყვეტისკენ მოუწოდა. 
პენტაგონის სპიკერმა ჯონ კირბიმ საუბრის შესახებ დამატებით დეტალებზე არ ისაუბრა. 
თავის მხრივ, რუსეთის საგარეო საქმეთა სამინისტროს ინფორმაციით, შოიგუმ და ოსტინმა განიხილეს „საერთაშორისო უსაფრთხოების აქტუალური საკითხები, მათ შორის უკრაინაში არსებული ვითარება“.
მათ, ასევე, განაცხადეს, რომ საუბარი შეერთებული შტატების ინიციატივით შედგა.