რუსი ოკუპანტები აზოვსტალის ტერიტორიას მთელი ღამის განმავლობაში თვითმფრინავებითა და არტილერიით ბომბავდნენ, ახლა კი ქვეითმა ჯარმა ქარხანაზე შტურმი დაიწყო. ამის შესახებ "აზოვის" პოლკის მეთაურის მოადგილემ, სვიატოსლავ პალამარმა განაცხადა. 

"საჰაერო და საარტილერიო დაბომბვა მთელი ღამის განმავლობაში გაგრძელდა. ახლა ქვეითმა ჯარმა ქარხნის ტერიტორიაზე შტურმი დაიწყო. ისინი ჯავშანტექნიკისა და ტანკების დახმარებით ცდილობენ, შემოიჭრან", - თქვა მან.

ცნობისთვის, დილით უკრაინის შეიარაღებული ძალების გენშტაბმა და მარიუპოლის მერის მრჩეველმა პეტრო ანდრიუშჩენკომ დაადასტურეს, რომ ოკუპანტების ქვეითი ჯარი ქარხანაზე შეტევას აგრძელებს.