აშშ-ში კორონავირუსით ერთ დღეში 2 108 ადამიანი დაიღუპა
აშშ-ში ბოლო 24 საათის განმავლობაში კორონავირუსით 2 108 ადამიანი დაიღუპა, დაინფიცირებულთა რაოდენობამ კი ნახევარ მილიონს გადააჭარბა, - ამის შესახებ ინფორმაციას „ბიბისი“ ავრცელებს.
გამოცემის ცნობით, აშშ-ში კორონავირუსისგან, საერთო ჯამში, 18 693 ადამიანია დაღუპული, სიკვდილიანობის მაჩვენებლით ქვეყანა მცირედით ჩამორჩება იტალიას, სადაც ყველაზე მეტი - 18 849 ფატალური შემთხვევაა დადასტურებული.
შეგახსენებთ, მსოფლიოში კორონავირუსით დაღუპულთა რაოდენობა 102 000-ს აჭარბებს, დაინფიცირებულთა რიცხვი კი - 1 699 632-ია. გამოჯანმრთელებულია 376 330 ადამიანი.