უკრაინამ კონტროლი აღადგინა საზღვრის 1200 კილომეტრიან მონაკვეთზე, რომლის ორი მესამედი რუსეთს ესაზღვრება - განცხადება ამის შესახებ უკრაინის შეიარაღებული ძალების  სახელმწიფო საზღვრის დაცვის დეპარტამენტის დირექტორმა, ლეონიდ ბარანმა გააკეთა:

"სახელმწიფო საზღვრის დაცვის სამსახური კიევის, სუმის და ჩერნიგოვის ოლქებში შევიდა პასუხისმგებლობის ზონებში. კონტროლი განახლდა საზღვრის 1200 კილომეტრიან მონაკვეთზე, რომლის ორი მესამედი რუსეთს ესაზღვრება. თუმცა, საფრთხე კვლავ რჩება, ამიტომ საზღვრის დაცვის კლასიკური ზომები საკმარისი არ არის. ამჟამად მიმდინარეობს ტერიტორიის საფუძვლიანი შემოწმება და დამატებითი პუნქტების მოწყობა“, - განაცხადა მან.

ლეონიდ ბარანმა დასძინა, რომ ყველაზე დაძაბული ვითარება დონეცკისა და ლუგანსკის რაიონებშია და იქ მტერი კონტროლის დამყარებას შტურმით ცდილობს. მისივე თქმით, ბელარუსის საზღვართან ვითარება კონტროლს ექვემდებარება, ხოლო დნესტრისპირეთის მიმართულებაზე კი არსებობს პროვოკაციის საფრთხე.