კორონავირუსის ახალი შემთხვევებიდან ორი მათგანი ბოჭორიშვილის კლინიკაშია, ორივე შემთხვევა შიდაგავრცელებაა, –  ამის შესახებ კლინიკის სამეთვალყურეო საბჭოს თავმჯდომარემ, მაკა სოლოღაშვილმა ჟურნალისტებთან საუბრისას განაცხადა. როგორც მაკა სოლოღაშვილმა აღნიშნა, ამჟამად კლინიკაში კორონავირუსის დიაგნოზით 10 პაციენტი მკურნალობს.
„ბოჭორშვილის კლინიკაში მკურნალობს 32 პაციენტი, აქედან „კოვიდ-19“ დადასტურებული აქვს 10 პაციენტს, საიდანაც ორი ახალი შემთხვევაა. დადასტურებული დიაგნოზით მყოფი პაციენტების მდგომარეობა დამაკმაყოფილებელია, ერთია მძიმე და საყურადღებო.ამ 10 პაციენტიდან ოთხის შემთხვევაში მიმდინარეობს განმეორებით კვლევა გამოჯანმრთელების დასადასტურებლად.
ორი ახალი პაციენტი არის ქვეყნის შიდა გავრცელება. შესწავლილია მათი წყარო. კლასტერები ძალიან აირია და სამედიცინო პერსონალისთვის ამას მნშვნელობა აღარ აქვს“, – განაცხადა მაკა სოლოღაშვილმა. მისივე ინფორმაციით, დამმაყოფილებელია ბოჭორიშვილის კლინიკაში მყოფი მოზარდების მდგომარეობა.
„13 წლის მოზარდის მდგომარეობა კარგია და კარგად გრძნობს თავს. რაც შეეხება ორი წლის ბავშვს რომელსაც კორონავირუსი დაუდგინდა, მისი მდგომარეობა კარგია. დედას კვლავ არ უდასტურდება კორონავირუსი. სულ ბოჭორიშვილის კლინიკაში ექვსი ბავშვი მურნალობს“, – განაცხადა მაკა სოლოღაშვილმა.