გუდაურში არსებული საკარანტინო ზონა 4 აპრილს 92-მა ადამიანმა დატოვა. აღნიშნული მოქალაქეების ტრანსპორტირებასა და საკუთარ ოჯახებში უსაფრთხოდ დაბრუნებას ყაზბეგის მერია უზრუნველყოფს. პროცესს ადგილზე კოორდინირებას მუნიციპალიტეტის მერი- ალექსანდრე ზაგაშვილი, მერის მოადგილე დავით ქირიკაშვილი და საკრებულოს თავმჯდომარე გრიგოლ სეთურიძე უწევდნენ. ამჟამად მუნიციპალიტეტის საკარანტინო სივრცეებში რჩება 250-მდე ადამიანი, მათ კორონავირუსის დამახასიათებელი სიმპტომები არ აღენიშნება და ეტაპობრივად დატოვებენ მუნიციპალიტეტს. ყაზბბეგის მერია მცხეთა-მთიანეთის სახელმწიფო რწმუნებულის ადმინისტრაციასთან თანამშრომლობით აქტიურად ახორციელებს კორონავირუსის წინააღმდეგ გასატარებელ ღონისძიებებს.
ყაზბეგის მერია სასტუმროს გვერდში დგომისათვის მადლობას უხდის.