რუსეთის პრეზიდენტმა ვლადიმირ პუტინმა საფრანგეთის პრეზიდენტ ემანუელ მაკრონსა და გერმანიის კანცლერ ოლაფ შოლცს ტელეფონით აცნობა, რომ აპირებს ხელი მოაწეროს განკარგულებას დონბასის სეპარატისტული რესპუბლიკების აღიარების შესახებ, რის გამოც ლიდერებმა იმედგაცრუება გამოხატეს.
ამის შესახებ „რია ნოვოსტი“ კრემლის პრესსამსახურზე დაყრდნობით იუწყება.
„ამ ყველაფრის გათვალისწინებით, რუსეთის პრეზიდენტმა განაცხადა, რომ უახლოეს პერიოდში მხედველობაში აქვს შესაბამისი ბრძანებისთვის ხელმოწერა. საფრანგეთის პრეზიდენტმა და გერმანიის ფედერალურმა კანცლერმა მოვლენათა ასეთი განვითარების გამო იმედგაცრუება გამოხატეს. ამასთან, მათ გამოხატეს მზადყოფნა კონტაქტების გასაგრძელებლად“ , - ნათქვამია ინფორმაციაში.