"გადაწყვეტილება, რომ საქართველოში კრემლის პოლიტიკური ოპონენტები არ შემოუშვან, მიუთითებს იმაზე, რომ საქართველოს მთავრობას სურს რომ კრემლი არ გააბრაზოს" - ასე აფასებს რუსი ოპოზიციონერი ანდრეი დავიდოვი მესაზღვრეების გადაწყვეტილებას, რომლებმაც ის ქვეყანაში არ შემოუშვეს. 
დავიდოვის თქმით, შსს-ს არანაირი განმარტება არ გაუკეთებია, რატომ არ უშვებდნენ ქვეყანაში. მისი თქმით, მესაზღვრეებმა ზემდგომისგან მიიღეს მითითება და ამის შემდეგ ის საზღვრიდან გააბრუნეს.
დავიდოვი ამბობს, რომ რუსეთმა საქართველოს სავარაუდოდ გადასცა მოქალაქეთა სიები, რომლებიც ქვეყანაში არ უნდა შეუშვან მათი პოლიტიკური შეხედულებების გამო.

"არშეშვების ოფიციალურ მიზეზი არ აუხსნიათ, შედეგ პასპორტის მონაცემები შეიყვანეს, როგორც მივხვდი მონაცემების შემოწმების დროს, ხელმძღვანელობისგან გარკვეული შეტყობინება მიიღეს. მოსკოვიდან ადამიანების სია არის გამოგზავნილი, რომლებიც საქართველოში არ უნდა შემოუშვან, ეს დაკავშირებულია ამ ადამიანების, მათ შორის ჩემს პოლიტიკურ საქმიანობასთან.
მომხდარს სხვა ახსნა არ აქვს, რადგან ქართველი მესაზღვრეები ჩემს შესახებ ინფორმაციას ვერ მოიძიებდნენ, ვინაიდან მე არ ვარ საჯარო ფიგურა, ოპოზიციური კანდიდატებს არჩევნებში ვეხმარები, რადგან იურისტი ვარ.
გამოდის, რომ ქართველი და რუსი სპეცსამსახურები აქტიურად თანამშრომლობენ, ამასთან გადაწყევტილება, რომ საქართველოში კრემლის პოლიტიკური ოპონენტები არ შემოუშვან, მიუთითებს იმაზე, რომ საქართველოს მთავრობას სურს რომ კრემლი არ გააბრაზოს.
საქართველოში მყოფ რუს ოპოზიციონერებს ვურჩევ, რომ საკუთარ უსაფრთხოებაზე იზრუნონ და მეტი ყურადღებით იყვნენ.
აფხაზეთსა და ოსეთში ნამყოფიც კი არ ვარ, მე მხარს ვუჭერ საქარველოს ტერიტორიულ მთლიანობასა და სუვერენიტეტს." - ამბობს ანდრეი დავიდოვი