რუსეთის თავდაცვის სამინისტროს განცხადებით, დაგეგმილი საზღვაო წვრთნების ფარგლებში 30-ზე მეტი სამხედრო ხომალდი შავი ზღვისკენ მიემართება.
"გემები ტოვებენ სევასტოპოლისა და ნოვოროსიისკის პორტებს და წვრთნებისთვის განკუთვნილი ტერიტორიისკენ გადაადგილდებიან. წვრთნები მიმდინარეობს შავი ზღვის ფლოტილიის მეთაურის, ადმირალ იგორ ოსიპოვის ხელმძღვანელობით. წვრთნების მიზანია, წარმოსახვითი მოწინააღმდეგის შესაძლო სამხედრო საფრთხეებისგან დაიცვას ყირიმის ნახევარკუნძულის სანაპირო ზოლი, შავი ზღვის ფლოტილიის ძალების (ჯარის) ბაზები, ასევე ქვეყნისთვის ეკონომიკური მნიშვნელობის ადგილები, საზღვაო საკომუნიკაციო ხაზები და საზღვაო ეკონომიკური აქტივობისთვის მნიშვნელოვანი ტერიტორიები", – აცხადებენ თავდაცვის სამინისტროში.
მისი ცნობით, წვრთნები მოიცავს ცოცხალი ცეცხლის, მათ შორის სარაკეტო, საარტილერიო და საჰაერო იარაღის გამოყენებით მანევრებს.
შეგახსენებთ, რომ რუსეთი პარალელურად, წვრთნებს ბელარუსშიც მართავს.