ნიკა გვარამია ინსპექტორის სამსახურს მოუწოდებს, მიხეილ სააკაშვილთან დაკავშირებული კადრები გამოაქვეყნოს
კვლავ მოვუწოდებ სახელმწიფო ინსპექტორს, რომ მოიქცეს ამ შემთხვევაში ვითარების ადეკვატურად, გაითვალისწინოს კონტექსტი და ეს ყველაფერი გამოქვეყნდეს - ნიკა გვარამია მიხეილ სააკაშვილის საქმესთან დაკავშირებით, ლონდა თოლორაიასა და მის უწყებას მიმართავს, დროულად გამოაქვეყნოს იმ ვიდეომასალის სრული ჩანაწერი, რომელიც ადვოკატებმა გუშინ ნახეს და სადაც კარგად ჩანს, მესამე პრეზიდენტს მიმართ არაადამიანური მოპყრობა.
ნიკა გვარამიას თქმით, ამაზე თავად მიხეილ სააკაშვილიც თანახმაა:
ნიკა გვარამიას თქმით, ამაზე თავად მიხეილ სააკაშვილიც თანახმაა:
სახელმწიფო ინსპექტორის სამსახურს ჩვენ მოვუწოდეთ, რომ ეს მასალები გამოექვეყნებინა. ამასთან დაკავშირებით, არსებობს სააკაშვილის თანხმობა და მთელი ეს მარშრუტი შეიძლება აიწყოს ერთ ვიდეოდ, მათ შორის ეს 6 წუთიანი ჭრა როგორ ქრება, ესეც შეგვიძლია ვანახოთ და ბოლო ბოლო ადამიანებმა ნახონ რასთან გვაქვს საქმე.
ჯერჯერობით პასუხი ამასთან დაკავშირებით არ გვაქვს. მე მინდა მივმართო კვლავ სახელმწიფო ინსპექტორის სამსახურს რომ ეს მასალები საბოლოო ჯამში გაჟონავს და ძალიან უხერხულ მდგომარეობაში ჩავარდებიან თვითონ იმიტომ, რომ რეალურად წამოვა მათზე ბრალდება, რომ მათი მეშვეობით მოხდა ამის გაჟონვა.
ამიტომ ჯობია, რომ საჯარო ინტერესი მართლა მაღალია, ამას გარდა, განსხვავებით პენიტენციალური დაწესებულებისგან, რომელმაც მასალები გაავრცელა დამონტაჟებული და ასევე დაზარალებულის თანხმობის გარეშე, ამ შემთხვევაში გვაქვს სრული მასალები, ის 6 წუთი რომ გამქრალია ამაზეც შეგვიძლია ვილაპარაკოთ და პლიუს, გვაქვს დაზარალებულის თანხმობა. ამიტომ, კვლავ მოვუწოდებ სახელმწიფო ინსპექტორს, რომ მოიქცეს ამ შემთხვევაში ვითარების ადეკვატურად, გაითვალისწინოს კონტექსტი და ეს ყველაფერი გამოქვეყნდეს" განაცხადა ნიკა გვარამიამ "მთავარი არხის" პირდაპირ ეთერში საუბრისას.