სამადაშვილი ევროპარლამენტარების წერილს გამოეხმაურა, რომელშიც ნათქვამი იყო, რომ საქართველოში მათი ვიზიტი ვერ შედგებოდა, ვინაიდან პარლამენტის თავმჯდომარემ "დრო ვერ გამონახა".
დეპუტატის განმარტებით, ჟან მონეს დიალოგს ევროკავშირი ექსკლუზიურად იმ ქვეყნებში იყენებს, რომლებიც პოტენციურად ევროკავშირის წევრებად მოიაზრებიან.
"ჟან მონეს დიალოგს ევროკავშირი ექსკლუზიურად იყენებს, იმ ქვეყნებში, რომლებიც რეალურად მოიაზრებიან პოტენციურ წევრებად, პირველ რიგში გაწევრიანების კანდიდატ ქვეყნებში.ცნობისთვის, ვიზიტის გაუქმებასთან დაკავშირებით ევროპარლამენტარებმა წერილი გუშინ, 21 იანვარს გამოაქვეყნეს. ვიოლა ფონ კრამონის, მირიამ ლექსმანისა და მარინა კალიურანდის წერილში აღნიშნული იყო, რომ ვიზიტი 21-22 იანვარს იყო დაგეგმილი.
ამ დიალოგის დაწყების გამიზნული საბოტაჟი, რაც ევროპარლამენტის დელეგაციის მიღებაზე უარია, ევროკავშირთან ჩვენი ქვეყნის ინტეგრაციის საბოტაჟია.
არც ერთი ნაბიჯი წინ, ნახევარ-ნახევარი ნაბიჯი უკან-ესაა რეალურად ქართული ოცნების პოლიტიკა, როდესაც საქმე საქართველოს ევროპულ მომავალს ეხება", - წერს სალომე სმადაშვილი.
შეხვედრასთან დაკავშირებით განმარტება დღეს პარლამენტის თავმჯდომარის კაბინეტმა გააკეთა. განცხადებაში ნათქვამი იყო, რომ ჟან მონეს დიალოგი "სპონტანური და ცალმხრივად დაგეგმილი" აქტივობების ფორმატი არ არის, ამიტომ მისი დაგეგმვა ორმხრივი თანამშრომლობით უნდა მოხდეს. გავრცელებული განცხადების გამო, პაპუაშვილის სამდივნომ ევროპარლამენტარები "პოლარიზაციის რისკების ზრდაში" დაადანაშაულა.
