"წითელი ჯვრის" წარმომადგენლებმა, ცხინვალის იზოლატორში მამუკა ჩხიკვაძე, კახა ნათაძე და ვალერი კანიაშვილი მოინახულეს
საოკუპაციო რეჟიმის ტყვეობაში მყოფი მამუკა ჩხიკვაძე, კახა ნათაძე და ვალერი კანიაშვილი ოკუპირებული ცხინვალის საპატიმრობაში "წითელი ჯვრის" წარმომადგენლებმა მოინახულეს.
"წითელ ჯვარში" ჯანმრთელობის მდგომარეობასა და საპატიმროში არსებულ ვითარებაზე არ საუბრობენ, თუმცა ამბობენ, რომ უკანონოდ დაკავებულებს ოჯახებისგან გაგზავნილი წერილები გადასცეს.
ოკუპანტებმა 24 დეკემბერს გაიტაცეს და 27-ში "პატიმრობა" შეუფარდეს ლაშა ხეთერელს. ამ დრომდე არაფერია ცნობილი მამუკა ჩხიკვაძეზე, რომლის შესახებაც საოკუპაციო რეჟიმისგან მხოლოდ ის ვიცით, რომ ცხინვალის ციხეშია და არარსებული საზღვრის გადაკვეთასთან ერთად, მას ნარკოტიკების გადატანასაც ედავებიან.
ჩხიკვაძის თანამებრძოლები ეჭვობენ, რომ ის ნაწამებია და არ გამორიცხავენ რომ ვლადიკავკაზშია გადაყვანილი სამკურნალოდ. მათი ვარაუდით, ჩხიკვაძე რუსეთში მას შემდეგ გადაიყვანეს, რაც სტრასბურგმა ოკუპანტ სახელმწიფოს ინფორმაციის მიწოდება დაავალა 4 იანვრისთვის, რუსეთმა კი 20 დღით ითხოვა ვადის გახანგრძლივება.
ამასთან ერთად, გუშინ სოფელ კირბალში ოკუპანტები ისევ გამოჩნდნენ. ანტისაოკუპაციო მოძრაობის ინფორმაციით, რუსი ოკუპანტები ადგილზე ე.წ. საზღვრის სადემარკაციო სამუშაოებს ახორციელებენ.
"წითელ ჯვარში" ჯანმრთელობის მდგომარეობასა და საპატიმროში არსებულ ვითარებაზე არ საუბრობენ, თუმცა ამბობენ, რომ უკანონოდ დაკავებულებს ოჯახებისგან გაგზავნილი წერილები გადასცეს.
"ის, რომ ჩვენს ორგანიზაციას აქვს წვდომა თავისუფლების აღკვეთის დაწესებულებებთან, ეს არის ორმხრივი კონფიდენციალური დიალოგის შედეგი ხელისუფლების წარმომადგენლებთან, სწორედ ამ მიზეზით და უპირველესად თავისუფლებააღკვეთილი პირებისა და მათი ოჯახების საუკეთესო ინტერესების გათვალისწინებით, არ ვასაჯაროებთ ბარათების შინაარსსა და სხვა დეტალებს", - ამბობს წითელი ჯვრის საერთაშორისო კომიტეტის სპიკერი, სოფო ელიზბარაშვილი.მამუკა ჩხიკვაძის ჯანმრთელობის მდგომარეობაზე ამ დრომდე არაფერი იციან ახლობლებმა. ისინი ამბობენ, რომ ხელისუფლება უკანონო პატიმრების გასათავისუფლებლად არაფერს აკეთებს.
"1 თვეზე მეტია მამუკა ჩხიკვაძე გატაცებულია და მიმდინარეობდა მასზე ზეწოლა, წამება და არაადამიანური მოპყრობა.17-ში შევიდა "წითელი ჯვარი", მაგრამ იქიდან გამოტანილი არ არის განცხადება - ეს ადამიანი რა სიტუაციაში, რა ჯანმრთელობის მქონე ადამიანად არის იქ ნანახი. არანაირი ნაბიჯები არ გადადგმულა რომ გათავისუფლებულიყო", - ამბობს მამუკა ჩხიკვაძის მეგობარი, სერგო ირემაშვილი.ბოლო ინფორმაციით, ოკუპანტების ტყვეობაში ამ დროისთვის საქართველოს 6 მოქალაქეა.
ოკუპანტებმა 24 დეკემბერს გაიტაცეს და 27-ში "პატიმრობა" შეუფარდეს ლაშა ხეთერელს. ამ დრომდე არაფერია ცნობილი მამუკა ჩხიკვაძეზე, რომლის შესახებაც საოკუპაციო რეჟიმისგან მხოლოდ ის ვიცით, რომ ცხინვალის ციხეშია და არარსებული საზღვრის გადაკვეთასთან ერთად, მას ნარკოტიკების გადატანასაც ედავებიან.
ჩხიკვაძის თანამებრძოლები ეჭვობენ, რომ ის ნაწამებია და არ გამორიცხავენ რომ ვლადიკავკაზშია გადაყვანილი სამკურნალოდ. მათი ვარაუდით, ჩხიკვაძე რუსეთში მას შემდეგ გადაიყვანეს, რაც სტრასბურგმა ოკუპანტ სახელმწიფოს ინფორმაციის მიწოდება დაავალა 4 იანვრისთვის, რუსეთმა კი 20 დღით ითხოვა ვადის გახანგრძლივება.
ამასთან ერთად, გუშინ სოფელ კირბალში ოკუპანტები ისევ გამოჩნდნენ. ანტისაოკუპაციო მოძრაობის ინფორმაციით, რუსი ოკუპანტები ადგილზე ე.წ. საზღვრის სადემარკაციო სამუშაოებს ახორციელებენ.