საქართველოს მესამე პრეზიდენტი, მიხეილ სააკაშვილი თბილისის საქალაქო სასამართლოში მიიყვანეს. დღევანდელ სხდომაზე საზღვრის კვეთის საქმე განიხილება.
ცნობილია, რომ პროცესზე მიხეილ სააკაშვილი სიტყვით გამოვა.
სასამართლო სხდომის პარალელურად, აქცია იმართება საქალაქო სასამართლოს ეზოში. მხარდამჭერები და სამოქალაქო აქტივისტები მესამე პრეზიდენტს სოლიდარობას უცხადებენ და მის გათავისუფლებას ითხოვენ. ცოტა ხნის წინ სასამართლოში მივიდა მიხეილ სააკაშვილის დედა, გიული ალასანიაც. 
სასამართლოს მიმდებარე ტერიტორიაზე სამართალდამცველები არიან მობილიზებული.