რუსეთი წლების განმავლობაში იჭრებოდა, ახდენდა ოკუპაციას, აღვივებდა კონფლიქტებს მეზობლებისა და სხვების წინააღმდეგ, სია გრძელია, დრო არ მაქვს ყველა მათგანის ჩამოსათვლელად - მაგრამ უკრაინა, საქართველო, მოლდოვა, რამდენიმეა მათ შორის - განაცხადა აშშ-ის სახელმწიფო დეპარტამენტის პრესსპიკერმა, ნედ პრაისმა ჟურნალისტებთან ბრიფინგზე. 
თემა უკრაინის საზღვართან რუსული ჯარების განლაგებას ეხებოდა. ნედ პრაისი ამბობს, რომ სურთ მოისმინონ რუსეთისგან კონკრეტულად რა წვრთნებს ატარებენ, რატომ ატარებენ ამ მასშტაბით ან როდის აპირებენ უკან დაბრუნებას.

"რუსეთი, რომელმაც 2014 წელს მოახდინა ყირიმის ანექსია, წამოიწყო ომი აღმოსავლეთ უკრაინაში, აგრძელებს იქ კონფლიქტის გაღვივებას. ეს არის რუსეთი, რომელიც წლების განმავლობაში იჭრებოდა, ახდენდა ოკუპაციას, აღვივებდა კონფლიქტებს მეზობლებისა და სხვების წინააღმდეგ, სია გრძელია, დრო არ მაქვს ყველა მათგანის ჩამოსათვლელად - მაგრამ უკრაინა, საქართველო, მოლდოვა, რამდენიმეა მათ შორის. ეს არის რუსეთი, რომელიც წლების განმავლობაში ერეოდა დემოკრატიულ არჩევნებში, მათ შორის ჩვენს არჩევნებში, მაგრამ, რა თქმა უნდა, არ შემოიფარგლება მხოლოდ ჩვენით. მათ საკუთარი საზღვრების მიღმა გამოიყენეს ქიმიური იარაღი. მათ მოაწყვეს კიბერშეტევები. მათ გამოიყენეს ენერგორესურსებს იარაღად, სხვა ტაქტიკებთან ერთად", - თქვა ნედ პრაისმა. 

მან ჟურნალისტებს უთხრა, რომ მოუწევთ პატიება, როცა აშშ-ს მხრიდან სკეპტიციზმთან დაკავშირებით, როცა რუსებისგან ესმით, რომ "ეს მხოლოდ წვრთნებია". პრაისის თქმით, სურთ დეესკალაციის ნიშნები დაინახონ.