არ მოველოდით ტურიზმის ასეთ სწრაფ აღდგენას, მაგრამ მაღალი ტემპი გვაქვს - თურნავა
"ტურიზმი კვლავ ბევრ გამოწვევასთან არის დაკავშირებული, რადგან პანდემია გრძელდება, ახალი ტალღა, ახალი შტამები ჩნდება, მაგრამ მიუხედავად ამისა, საქართველო კვლავაც რჩება მიმზიდველ ადგილად ტურისტულ მსოფლიო რუკაზე, ტურისტები დღესაც ჩამოდიან. სიმართლე გითხრათ, არ მოველოდით ტურისტული თვალსაზრისით ასეთ სწრაფ აღდგენას, მაგრამ საბოლოო ჯამში, სწორად გატარებული, დაბალანსებული პოლიტიკის შედეგად, ჩვენ გვაქვს მოსალოდნელზე მაღალი აღდგენის ტემპი. ახლა ზამთრის სეზონია. კი, კვლავაც მნიშვნელოვანია, დავიცვათ ყველა რეგულაცია, რათა წინ აღვუდგეთ მე-6 ტალღას კორონავირუსის, მაგრამ ჩვენი ზამთრის კურორტები არის სრულ მზადყოფნაში. ახალი ინფრასტრუქტურით შევხვდით ზამთრის სეზონს მესტიაში, სადაც თოვლიც გვაქვს. სხვა კურორტებზეც ძალიან ბევრი დამსვენებელია." - თქვა ეკონომიკისა და მდგრადი განვითარების მინისტრმა, ნათია თურნავამ მთავრობის სხდომის შემდეგ გამართულ ბრიფინგზე.