პუტინი "სამშვიდობო ძალებს" ყაზახეთში გაურკვეველი ვადით ტოვებს
რუსეთის პრეზიდენტი, ვლადიმერ პუტინი აცხადებს, რომ "კოლექტიური უსაფრთხოების ხელშეკრულების" ფარგლებში ყაზახეთში გაგზავნილი "სამშვიდობო კონტიგენტი" ქვეყანაში გაურკვეველი ვადით რჩება. ამის შესახებ მან დღეს ОДКБ-ს ონლაინ შეხვედრაზე განაცხადა. მისი თქმით, ჯარი ადგილზე გარკვეული პერიოდით იქნება, მანამ, სანამ თავის ფუნქციებს არ შეასრულობს. პუტინის აზრით, ეს "სამშვიდობო ოპერაცია" ყაზახეთში იყო "უაღრესად დროული და ლეგიტიმური".
"ჩვენ მოვახერხეთ კონტიგენტის სრული განლაგება საკმაოდ მოკლე დროში. ჩვენ მივიჩნევთ ჩვენს ერთობლივ ქმედებებს, როგორც უაღრესად დროულ და აბსოლუტურად, რა თქმა უნდა, ლეგიტიმურ ქმედებას", - თქვა რუსეთის პრეზიდენტმა.მისივე განცხადებით, რაც მოხდა "საერთაშორისო ტერორიზმია".