საქართველოს საგარეო საქმეთა მინისტრ დავით ზალკალიანსა და აშშ-ს სახელმწიფო მდივნის მოადგილეს, ვენდი შერმანს შორის სატელეფონო საუბარი გაიმართა - ინფორმაციას აშშ-ს სახელმწიფო დეპარტამენტი ავრცელებს.
განცხადებაშია ნათქვამია, რომ შერმანმა კიდევ ერთხელ გამოხატა ურყევი მხარდაჭერა საქართველოს დამოუკიდებლობის, სუვერენიტეტისა და ტერიტორიული მთლიანობისადმი, მის საერთაშორისოდ აღიარებულ საზღვრებში. 
შერმანის თქმით, აშშ გააგრძელებს რუსეთს მოუწოდოს, რომ გაიყვანოს თავისი ძალები ომამდელ პოზიციაზე და შეასრულოს 2008 წლის ცეცხლის შეწყვეტის შეთანხმება. 
სახელმწიფო მდივნის მოადგილე შერმანმა და საგარეო საქმეთა მინისტრმა ზალკალიანმა ხაზი გაუსვეს სუვერენული ერების უფლების დაცვის აუცილებლობას, აირჩიონ საკუთარი უსაფრთხოების ზომები და მხარი დაუჭირონ საქართველოსა და უკრაინის სუვერენიტეტსა და ტერიტორიულ მთლიანობას რუსული აგრესიის გაგრძელების პირობებში. მათ ასევე განიხილეს ევროპაში მშვიდობისა და უსაფრთხოების გაძლიერების საკითხი.