მიხეილ სააკაშვილი ბათუმისა და ზუგდიდის საკრებულოებში დღეს განვითარებულ მოვლენებს გორის ჰოსპიტალიდან ეხმაურება და მიმართავს ავრცელებს:

"ვუყურებ ახლა ბათუმში მუსიკალური სკოლისთვის ჩემი და ლევანის აშენებულ შენობას, სადაც ოცნებამ უმაღლესი საბჭო შეასახლა. ბათუმის მერია - გიორგი კირთაძე, ახლა ჩვენი და მათ შორის ჩემი, საამაყო ქალაქი ყაჩაღების ბანდის ხელშია. ზუგდიდის მერია ანზორ მელია და ეს მდგომარეობა სულ მალე აღდგება. ახლა მთავარია გავზარდოთ მასობრიობა, ბეტონის კედლად დავუდგეთ წინ მოძალადეებს - გაუჩერებელი აქტიურობა და ამათ აუცილებლად ჩამოვანგრევთ. თავისუფლების იდეას ესენი ვერ ჩაკლავენ" - ნათქვამია მიხეილ სააკაშვილის მიმართვაში, რომელიც სოციალურ ქსელში ვრცელდება.

შეგახსენებთ, ორივე ქალაქის საკრებულოების ძველმა შემადგენლობამ დღეს 2022 წლის ბიუჯეტი დაამტკიცა, რასაც ოპოზიცია ეწინააღმდეგებოდა. პროცესი ხმაურის, დაპირისპირებებისა და დაკავებების ფონზე ჩატარდა.