"თუ ვინმე ძალადობს, ეს არის სწორედაც თქვენს მიერ დასახელებული არხის მენეჯმენტი. თუ ვინმე ბილწსიტყვაობს, ადამიანებს შეურაცხყოფას აყენებს და ადამიანების ფსიქოლოგიურ ტერორს ახორციელებს, ეს არის სწორედაც თქვენს მიერ დასახელებული მედიის მენეჯმენტი პირდაპირ" - აცხადებს "ქართული ოცნების" დეპუტატი ალუდა ღუდუშაური "მთავარი არხის" 112 000 ლარით დაჯარიმების თემის კომენტირებისას.
"ქართულ ოცნებაში" ამბობენ, რომ თუ ვინმეს მარეგულირებლის გადაწყვეტილება არ მოსწონს და არ ეთანხმება, შეუძლია გაასაჩივროს.
შეგახსენებთ, ბექაურის უწყებამ "მთავარი არხი"  25 ნოემბერს სამი კლიპის გამო დააჯარიმა. გენერალური დირექტორის, ნიკა გვარამიას განცხადებით, "მთავარი არხი" არ აპირებს 112 ათასი ლარის გადახდას და კომუნიკაციების კომისიის გადაწყვეტილებას სასამართლოში გაასაჩივრებს.