არჩვენების წინ, ხელისუფლებამ კიდევ ერთი პოლიტიკური საქმე გააცოცხლა - ხვალ, საქალაქო სასამართლოში ე.წ. კარტოგრაფების საქმეზე პროცესი ჩანიშნა. 
ოფიციალური ინფორმაცია, რომლის საფუძველზეც ე.წ. კარტოგრაფების საქმე განახლდება.მოსამართლის ცვლილებას უკავშირდება. პროცესს დალი მეტრეველის ნაცვლად, მოსამართლე ნინო ნაჭყებია ჩაატარებს.
აღსანიშნავია, რომ ივერი მელაშვილი და ნატალია ილიჩოვა მმართველმა პარტიამ ციხეში ჯერ კიდევ საპარლამენტო არჩვენების წინ გამოკეტა და დავით გარეჯის თემით, პოლიტიკური სპეკულაცია დაიწყო. არჩვენების შემდეგ- დავით გარეჯიც და პოლიტიკური საქმეც, "ოცნებამ" დროებით დაივიწყა, მეორე ტურის წინ ისევ უდანაშაულო მეცნიერებს მიადგა.

"ღარიბაშვილმა წამოიწყო ეს საქმე მაშინ თავდაცვის მინისტრი იყო, ახლა პრემიერია და ყველა "კოზირი" ხელში აქვს და მეტი გავლენაც შეუძლია იქონიოს სასამართლოზე. სცადეს ამ საქმის გამოყენება 2020 არჩევნებზე არა? მაშინ პასუხი მიიღეს საზოგადოებისგან. ალბათ, აღარ გაიმეორებენ. კისერი თუ არა ცხვირი მაინც წაიტეხეს ამ საქმეზე. არარსებობს არავითარი ბრალდების საფუძველი",- ამბობს ივერი მელაშვილი. 

ივერი მელაშვილის უფლებადამცველი, ედვარდ მარიკაშვილი კი აღნიშნავს, რომ "ისეთი ბინძური მეთოდებით, როგორიც არის პოლიტიკური დევნა და რითაც გამოირჩევა მოქმედი პრემიერი,  არ არის გამორიცხული, რომ მეორე ტურების წინ ამ საქმის ამოწევა, დაწყება, სწორედ ღარიბაშვილის განზრახვას უკავშირდებოდეს". 
ცნობისთვის, ირაკლი ღარიბაშვილმა თქვა, რომ თუ მიხეილ სააკაშვილი "კარგად არ მოიქცევა" მას შეიძლება, მუხლები დაემატოს. კარტოგრაფების საქმის გააქტიურება კი შესაძლოა, მესამე პრეზიდენტისთვის გზავნილი იყოს, რომ ერთ-ერთი საქმე, რის გამოც, შესაძლოა, ბრალი წარუდგინონ, ე.წ. დავით გარეჯის საქმე იყოს.