მთავრობის ადმინისტრაციის ინფორმაციით, პრემიერმინისტრი პარლამენტის თავმჯდომარესთან ერთად ენგურის ხიდზე იმყოფებოდა. ღარიბაშვილი პოლიციის საგუშაგოს თანამშრომლებს შეხვდა.
გაესაუბრა საოკუპაციო ხაზთან მცხოვრებ მოსახლეობას და მათი პრობლემების, ასევე კორონავირუსის მიერ შექმნილ გამოწვევებთან დაკავშირებით ინფორმაცია მოისმინა.
პრემიერ-მინისტრთან ერთად ენგურის ხიდზე იმყოფებოდნენ ეკონომიკისა და მდგრადი განვითარების მინისტრი ნათია თურნავა, ზუგდიდის მაჟორიტარი დეპუტატი ირაკლი ჩიქოვანი, სახელმწიფო რწმუნებული სამეგრელო-ზემო სვანეთის მხარეში, გიორგი გუგუჩია, შს მინისტრის მოადგილეები, შალვა ბედოიძე და იოსებ ჭელიძე, სამეგრელოს-ზემო სვანეთის სამხარეო პოლიციის დეპარტამენტის უფროსი გურამ ზესაშვილი და აფხაზეთის ავტონომიური რესპუბლიკის პოლიციის დეპარტამენტის უფროსი გიორგი სამარღანიშვილი.