კიდევ ერთი დაკარგული ეკლესია და შუაზე გაყოფილი სასაფლაო - ოკუპანტები გრემისხევში მცოცავი ოკუპაციის ახალ ეტაპს იწყებენ.
ადგილობრივი მოსახლეობა და ანტისაოკუპაციო მოძრაობის წევრები ადასტურებენ, რომ მცხეთა-მთიანეთში რუსმა ოკუპანტებმა ბოლო დროს მნიშვნელოვანი გადაადგილებები მოახდინეს. აღმოჩენილია საოკუპაციო არმიის ახალი ბლოკსაგუშაგო, მითვისებული ტერიტორიის გამო კი მოსახლეობისთვის სალოცავებთან და წინაპრების საფლავებთან მისვლა პრაქტიკულად შეუძლებელი გახდა.
"ქართული ოცნების" ხელისუფლება ფაქტებს რეაგირების გარეშე ხვდება - სახელმწიფო უსაფრთხოების სამსახური საერთოდ უარყოფს ოკუპანტების რაიმე აქტიურობას რეგიონში.