დიღმის საველე ჰოსპიტალში პაციენტების მიღება დაიწყო. 9 კოვიდინფიცირებული იქ გუშინ საღამოს გადაიყვანეს. 
ჯანდაცვის სამინისტროში ამბობენ, რომ  საველე ჰოსპიტალში საშუალო და ნაკლებადმძიმე პაციენტებს მოათავსებენ. 
საქართველოში საველე ჰოსპიტლების მოწყობა 15 აგვისტოდან დაიწყო. ამ დროისთვის, თბილისში ორი საველე ჰოსპიტალია მოწყობილი, მათგან ერთ-ერთი დიღმის ოლიმპიური სოფლის ერთ-ერთ დარბაზშია, მეორე კი თბილისში, სამგორში, ტექნიკური გადამზადების ცენტრში.
საველე ჰოსპიტლებს მოაწყობენ აჭარასა და იმერეთშიც.