ქართულ ოცნებას არათუ 43, არამედ 40%-ის აღების არავითარი იმედი არ აქვს - ამბობს ქუთაისი მერობის კანდიდატი და ნაციონალური მოძრაობის ერთ-ერთი ლიდერი, ხატია დეკანოიძე ტელეკომპანია ,,პირველისთვის" მიცემულ ინტერვიუში. 
,,შეთანხმებიდან ოცნების გასვლამ დაანახვა საზოგადოებას, რომ მათ არ აქვთ არავითარი იმედი არა მხოლოდ 43%-ის აღების, არამედ 40%-ის აღებისაც. მათ აქვთ ფსიქოლოგიური და ძალიან სერიოზული შიშის ბარიერი. როდესაც 3 ოქტომბერს საქართველოს მოსახლეობას ჩვენს საერთაშორისო პარტნიორებთან ერთად ეცოდინება, რომ ეს არ არის ლეგიტიმური, მათ არ აქვთ 40%-ზე მეტი მხარდაჭერა, რა თქმა უნდა, ვადამდელი არჩევნები იქნება. მათ მეტი გამოსავალი არ ექნებათ", - თქვა დეკანოიძემ.