აშშ-ში კორონავირუსის საწინააღმდეგო ვაქცინის პირველი კლინიკური ცდა ადამიანებზე დღეიდან დაიწყება, – იუწყება AP ამერიკელ ოფიციალურ პირებზე დაყრდნობით.
ცდას აშშ-ის ჯანდაცვის ეროვნული ინსტიტუტი აფინანსებს. ტესტირება 45 ახალგაზრდა მოხალისეს ჩაუტარდება, მათ ვაქცინის განსხვავებულ დოზებს გაუკეთებენ. გამოცდის მიზანია, დადასტურდეს, რომ ვაქცინას სიცოცხლისთვის საშიში გვერდითი მოვლენები არ აქვს.
როგორც ჯანდაცვის ეროვნული ინსტიტუტის წარმომადგენლები აცხადებენ, კიდეც რომ წარმატებული იყოს კლინიკური ცდა, ვაქცინის სრულად შემოწმებას ერთი წლიდან 18 თვემდე პერიოდი დასჭირდება.